మహిళల భద్రతను దృష్టిలో పెట్టుకుని పలు మొబైల్ అప్లికేషన్లు అందుబాటులోకి వచ్చాయి. వీటిలో చాలావరకు మహిళలు ప్రమాదానికి గురైనప్పుడు వారి కుటుంబసభ్యులకి, స్నేహితులకి ఆ సమాచారాన్ని అందించేవే. వాటన్నింటికీ కాస్త భిన్నంగా 'సేఫ్టీపిన్' అనే మరో కొత్త అప్లికేషన్ ఒకటి ఈ మధ్యనే విడుదలైంది. ఇది మ్యాప్ ఆధారిత మొబైల్ఫోన్ అప్లికేషన్. దీనిద్వారా పట్టణాలు, చుట్టుపక్కల ప్రదేశాలు మహిళలకు ఎంత వరకు సురక్షితం అనే విషయం తెలుసుకోవచ్చు. సేఫ్టీపిన్ అప్లికేషన్ ద్వారా ఒక పోస్టు చేస్తే అది మీ సర్కిల్స్లో ఉన్న అందరికీ ఆ సమాచారాన్ని అందిస్తుంది. ఉదాహరణకి మీరు ప్రయాణించిన రోడ్డులో వీథిదీపాలు లేకపోయినా, ఆ ప్రాంతంలో ప్రజారవాణా వ్యవస్థ లేకపోయినా, ఆ సమాచారాన్ని పోస్టు చేస్తే అది అందరికీ చేరుతుందన్నమాట. అలాగే ఈ అప్లికేషన్ను వినియోగించే వాళ్లు పిక్చర్స్ అప్లోడ్ చేయొచ్చు. ఆమె/అతడు ఆ ప్రదేశానికి వెళ్లినప్పుడు ఎదురైన అనుభవాల్ని సర్కిల్లో ఉన్న వాళ్లతో పంచుకోవచ్చు. ఆ సమాచారంపై మీ సర్కిల్లో ఉన్న వాళ్లు వ్యాఖ్యలను పోస్ట్ చేసి తమ అభిప్రాయాలను చెప్పే అవకాశం కూడా ఉంది. ఈ సమాచారమే కాకుండా అత్యవసర సమయాల్లో ఉపయోగపడేలా ఆ ప్రాంత సమీపంలోని ఫార్మసీ, పోలీస్ స్టేషన్ల సమాచారాన్నీ ఇందులో అప్లోడ్ చేయొచ్చు.
"సిటీలో రక్షణలేని ప్రదేశాలను ఎరుపు రంగు మార్క్లో, పర్వాలేదన్న వాటిని ఆరెంజ్ రంగులో, సురక్షిత ప్రదేశాలని ఆకుపచ్చ రంగులో చూపిస్తుంది ఇది. ఇందులో ఉన్న మరో సౌకర్యం ఏమిటంటే ఏవైనా వేధింపులు ఎదుర్కొంటే వాటిని రికార్డు చేసుకోవచ్చు. పగిలిన వీథి దీపాలు, నోరు తెరిచిన నాలాల వంటి సమాచారాన్ని కూడా ఇందులో చేర్చొచ్చు. సేఫ్టీపిన్ ప్రధాన ఉద్దేశం ప్రజల సహకారంతో సురక్షితమైన వాతావరణాన్ని సృష్టించడం. ప్రత్యేకించి మహిళలపై జరుగుతున్న హింసను తగ్గించడం'' అని చెప్పారు అప్లికేషన్ తయారీదారులు ఆశిష్ బసు, కల్పనా విశ్వనాథ్లు. ఆండ్రాయిడ్, ఐఫోన్ వినియోగదారులు యాప్ స్టోర్, గూగుల్ ప్లేల నుంచి ఈ అప్లికేషన్ను ఫ్రీగా డౌన్లోడ్ చేసుకోవచ్చు.
Courtesy- andhrajyothy
"సిటీలో రక్షణలేని ప్రదేశాలను ఎరుపు రంగు మార్క్లో, పర్వాలేదన్న వాటిని ఆరెంజ్ రంగులో, సురక్షిత ప్రదేశాలని ఆకుపచ్చ రంగులో చూపిస్తుంది ఇది. ఇందులో ఉన్న మరో సౌకర్యం ఏమిటంటే ఏవైనా వేధింపులు ఎదుర్కొంటే వాటిని రికార్డు చేసుకోవచ్చు. పగిలిన వీథి దీపాలు, నోరు తెరిచిన నాలాల వంటి సమాచారాన్ని కూడా ఇందులో చేర్చొచ్చు. సేఫ్టీపిన్ ప్రధాన ఉద్దేశం ప్రజల సహకారంతో సురక్షితమైన వాతావరణాన్ని సృష్టించడం. ప్రత్యేకించి మహిళలపై జరుగుతున్న హింసను తగ్గించడం'' అని చెప్పారు అప్లికేషన్ తయారీదారులు ఆశిష్ బసు, కల్పనా విశ్వనాథ్లు. ఆండ్రాయిడ్, ఐఫోన్ వినియోగదారులు యాప్ స్టోర్, గూగుల్ ప్లేల నుంచి ఈ అప్లికేషన్ను ఫ్రీగా డౌన్లోడ్ చేసుకోవచ్చు.
Courtesy- andhrajyothy
No comments:
Post a Comment